موضوع جالى وانا بتكلم مع اختى الى اكبر منى بسنتين ومعايا كمان فى نفس المعهد بس فى سنة تالتة الموضوع بقى اللى ايجة فى بالى ان لية بنكدب يعنى تلاقى وبالذات فى الحب يكون حد من الطرفين طب اوى والتانى بالبلدى كدة المفترى او الكداب والغشاش واللى واللى ..... الخ. واسئل نفسى طب لية مش بيكونوا الاتنين طيبين او الاتنين مفتريين عشان يعرفو يتعاملو مع بعض يعنى وبعدين اسمع صوت امى فى ودنى بعد ما سئلتها تقولى دة يابنتى النصيب وارجع تانى اقول نصيب نصيب اية دة يعنى ان الطيب ياخد الغشاش والكداب دايما وبعدين فى الاخر نقول نصيبنا كدة طب بالله عليكم دى حياة دى كل حاجة هنرميها على النصيب طب فين بقى الكلام الكبير اللى طول عمرنا بنسمعة من واحنا صغيرين ان ربنا ادانا عقل نفكر فية ونختار بية وبعدين ارجع تانى اقول ياشيخة اسكتى كتك وكسة كنتى انتى عرفتى تختارى صحابك مين الحلو ومين اللى ولامؤاخدة ادوكى على قفاكى وفجئة يجى الاستاذ الكبير بصوتة الرهيب اسامة منير ويقولك !! النصيب دة رزق من عند ربنا رزق حلو مش وحش اما الوحش بقى دة مش نصيب دة من عند الشيطان ووسواستة للانسان بصراحة انا دماغى دلوقتى بقت مهلبية خالص ومبقتش فاهمة حاجة من حدوتة النصيب دى ماشية ازاى ......
الخميس، 23 أكتوبر 2008
الأربعاء، 22 أكتوبر 2008
راحة فين راحة الكبارية جاية منين جاية من الكبارية
زى ما حضراتكم كدة قريتو فى العنوان انا طالبة فى سنة تانية فى معهد خدمة اجتماعية كفر صقر او بين قوسين كبارية كفر صقر وطبعا عشان الاسئلة لية اتسمى كدة اقولكم انا نظرا لان كفر صقر وهية بلد موجودة والله على الخريطة بس دقق انتة بس فيها وانتة تلاقيها فى جمبها قرى زراعية واكيد فيها الفلاحين صحاب الاراضى وانا مش قصدى حاجة بفلاحين لان الشرقوة كلهم فلاحين بس انا بفهمكم المهم اكمل الموضوع فطبعا الناس دول غريبة اوى عليهم ان يكون فى كلية فى بلدهم ودى اول كلية تتفتح فى كفر صقر وطبعا لان الطلبة من كل مكان فى مصر وبتغير عادات ولبس كل واحد يطلع على ناس كتير انهم رقاصين او اى الفاظ وحشة كتيرة الرقابة تمنعنى انى اقولها ودة كلو عشان مثلا لبس بعض البنات تصرفات الطلبة وان يكون واد وبنت ماشيين ماسكين ايد بعض مثلا فى وسط الشارع حاجت تانية كتير انا معاهم فى حتة ان دة مش يصح فى بلدنا بالذات ودة جديد علينا بس زى مابيقولو هما عندكم السيئة بتعم يعنى كلو بيبقو كدةوطبعا بيطلع على الغلبانة اللى هيا انا راحة فين راحة الكبارية جاية منين جاية من الكبارية ومن هنا هبدلكم حكايتى او يومياتى مع الكبارية يوووة قصدى معهدخدمة كفر صقر
تبأة عيبة
دي تبأه عيبه اديله طيبه يردهالي اسيه ليه ياناس ده غش ده بألف وش عموما معلش الله يجازيه زي بعضه افلت باب باب جراح مالهاش حساب جابلي الويل و العذاب بكرا أي امل حهده في بينا طريق حسده هوه يمشي بسكته بدعيله هوه ونيته والله لا يوريه انا لما سألت عنه قالو دي قله اصل منه ومالو تغير على كبر اهو بان على اصله بان من بعيد مالهوش امان شفت فيه العبر زي بعضه افلت باب باب جراح مالهاش حساب جابلي الويل و العذاب بكرا أي امل حهده لو في بينا طريق حسده هوه يمشي بسكته بدعيله هوه ونيته والله لا يوريه انا نسيته ورميت توبته ولا حندم اني سبته دا اللي ما بينا انتها انا حستحمل خلاص ولا حعمل زي الناس بتموت من بعضها آآآه ..
الاثنين، 20 أكتوبر 2008
مااالى النهاردة
مالى النهاردة اية جرالى اللى لقيت كل الليالى مالى النهاردة اية جرالى اللى لقيت كل الليالى نازل بدور فى الشوارع والبيوت على زكرى كانت بينا ومش ممكن تموت نازل بدور فى الشوارع والبيوت على ذكرى كانت بينا ومش ممكن تموت وتحت شباكك يرمينى الحنين حيران بقدم خطوة وارجع خطوتين انا عاوز اشوفك بس وامشى سكوون مالى النهاردة
شيفانى ولا مش الحبيب الاولانى سمعانى ياللى ياللى فوق سمعانى ولا حبيتى حد تانى شيفانى ولا مش شيفانى انا الحبيب الاولانى سمعانى ياللى ياللى فوق سمعانى ولا حبيتى حد تانى مستنيانى ولا مستنية مين دانا كنت ناسى واللة رجعنى الحنين نازل بدور فى الشوارع والبيوت على ذكرى كانت بينا ومش ممكن تموت بدور فى الشوارع والبيوت على ذكرى كانت بينا ومش ممكن تموت وتحت شباكك يرمينى الحنين حيران بقدم خطوة وارجع خطوتين انا عاوز اشوفك بس وامشى
شيفانى ولا مش الحبيب الاولانى سمعانى ياللى ياللى فوق سمعانى ولا حبيتى حد تانى شيفانى ولا مش شيفانى انا الحبيب الاولانى سمعانى ياللى ياللى فوق سمعانى ولا حبيتى حد تانى مستنيانى ولا مستنية مين دانا كنت ناسى واللة رجعنى الحنين نازل بدور فى الشوارع والبيوت على ذكرى كانت بينا ومش ممكن تموت بدور فى الشوارع والبيوت على ذكرى كانت بينا ومش ممكن تموت وتحت شباكك يرمينى الحنين حيران بقدم خطوة وارجع خطوتين انا عاوز اشوفك بس وامشى
الاشتراك في:
الرسائل (Atom)